مهارة Instagram Agent في Claude
13 مهارة في مكان واحد تمسك لك شغل المحتوى في انستقرام: تكتب الريلز والكابشن، تجهز ردودك، تقيّم بروفايلك، ترتب أسبوعك، وتحلل الريلز اللي ضربت في مجالك.
المهارة ما ترتبط بحسابك في انستقرام، وما تنشر ولا ترد بدالك. هي تجهز لك كل شي جاهز للنسخ، وإنت تراجعه وتنشره بنفسك. وهذا أأمن لحسابك.
① التثبيت
اختر الطريقة حسب وين تستخدم Claude. أغلب أصحاب المشاريع يستخدمون تطبيق Claude أو الموقع، فابدأ بالطريقة الأولى.
الطريقة الأولى: ارفع ملفات المهارات
كل مهارة ملف ZIP لحاله. حمّلها من تحت وارفعها وحدة وحدة. تحتاج اشتراك يسمح بالمهارات (Free أو Pro أو Max).
من Settings ← Capabilities شغّل خيار Code execution and file creation. المهارات ما تشتغل بدونه.
من قسم «حمّل المهارات» تحت. ابدأ بالخمس الأساسية لو تبي، وزود الباقي بعدين.
من Customize ← Skills اضغط + ثم Create skill ثم Upload a skill. (في بعض النسخ تلقاها في Settings ← Capabilities ← Skills ← Upload skill)
ارفع الملف كما هو بدون ما تفكه. كرر لكل مهارة، وتأكد إنها مفعّلة في القائمة.
الطريقة الثانية: Claude Code
لو تستخدم Claude Code، الصق هذا في المحادثة وهو يثبت المهارات كلها:
https://github.com/Jakeschincariol/instagram-agent-skill Install this skill, then confirm /ig-reel works.
أو كـ Plugin بأمرين:
/plugin marketplace add Jakeschincariol/instagram-agent-skill /plugin install instagram-agent@instagram-agent-skill
بعد التثبيت سكّر الجلسة وافتح وحدة جديدة، عشان المهارات تنقرا.
② ملف صوتك (لا تتجاوز هالخطوة)
كل المهارات تقرأ ملف اسمه voice يوصف طريقتك في الكلام. بدونه، السكربتات تطلع عامة وما تشبهك. عشر دقايق هنا توفر عليك إعادة كل سكربت.
من Projects سوّ مشروع جديد اسمه «حسابي في انستقرام»، والصق النموذج تحت بعد ما تعبيه في تعليمات المشروع (Instructions). وبعدها سوّ كل محادثاتك داخل المشروع.
احفظه كملف في ~/.claude/instagram/voice.md والمهارات تقراه بنفسها.
أرسل لـ Claude نص 3 من ريلزاتك أو كابشناتك وقل له: «اكتب لي ملف صوتي من هذي». وهذي الطريقة أدق من التخمين.
ملف صوتي (اقرأه قبل أي محتوى تكتبه لي) من أنا: - اسمي وحسابي: - مشروعي في جملة وحدة: - أكلّم مين بالضبط؟ (مثال: أمهات في الرياض يطلبون حلويات للمناسبات، مو «الكل») - إيش أبيع وبكم: أسلوبي: - لهجتي: (خليجية / سعودية / مصرية / فصحى بسيطة…) - قدام الكاميرا أنا: (هادي / سريع وحماسي / ساخر / رسمي) - كلمات أستخدمها دايماً: - كلمات ما أقولها أبداً: - الإيموجي في الكابشن: (أبداً / قليل / كثير) - وجهي يطلع في الفيديو؟ (دايماً / أحياناً / لا، صوت فقط) آرائي: - 3 أشياء أؤمن فيها وبعض جمهوري يخالفني فيها: 1. 2. 3. ممنوع: - مواضيع ما أتكلم فيها: - أسماء أو أرقام ما أقدر أذكرها: إثباتات حقيقية أقدر أذكرها (لا تخترع أي رقم): - - الدعوة: - الكلمة اللي أطلبها في التعليقات: - إيش أرسل للي يعلّق: - رابط البايو يودي على: اكتب كل شي بالعربي وبلهجتي، وأسماء الأدوات تبقى بالإنجليزي.
③ المهارات الـ13 وكيف تكلمها
تقدر تكتب اسم المهارة مثل /ig-reel، أو بس اطلب بكلامك العادي وClaude يختار المهارة المناسبة. اضغط على أي مثال عشان تنسخه.
/ig-reelمن فكرة لريل كامل: 3 هوكات من 26 قالب مع تقييم لكل واحد، السكربت، النص اللي على الشاشة، وتوقيت كل مقطع.
/ig-viralيدور على أقوى الريلز في مجالك، يرتبها حسب كم تفوقت على معدل حسابها، ويسمي قالب الهوك في كل واحد.
/ig-captionأول سطر يبان قبل «المزيد»، النص، دعوة وحدة واضحة، و3 إلى 5 هاشتاقات. ويفحصه قبل النشر.
/ig-planإيش تنزل هالأسبوع، بأي شكل، في أي يوم، ومع أي 10 حسابات تتفاعل.
/ig-profileيقيّم بروفايلك من 100 على 12 نقطة، ويعيد كتابة الأجزاء اللي تخسرك متابعين.
/ig-carouselغلاف يخلي الناس يسحبون، ونص كل سلايد، ومقاسات 1080×1350.
/ig-storyسلسلة ستوريات اليوم فريم بفريم، وأي ملصق تستخدم وين، والستوري اللي يودي الناس للخاص.
/ig-replyيرتب تعليقات حسابك: عميل محتمل، سؤال، كلمة مفتاحية، داعم، أو مزعج. ويكتب الرد المناسب لكل واحد.
/ig-dmرسالة إرسال الكلمة المفتاحية، أول رسالة لشخص تفاعل معك، عرض تعاون، ورسالتين متابعة.
/ig-commentتعليقات على بوستات غيرك تبان من إنسان عنده رأي، مو «🔥🔥🔥».
/ig-repurposeيحوّل فيديو يوتيوب أو بودكاست أو مقال طويل لأسبوع كامل من الريلز والكاروسيل.
/ig-auditيحلل اللي نزلته: إيش نجح، ليش، وإيش لازم توقفه. حسب الإرسال والمشاهدات، مو اللايكات بس.
/ig-humanيشيل بصمة الذكاء الاصطناعي من النص: الشرطات الطويلة، الرموز المخفية، والكلمات المستهلكة. أدق شي على الإنجليزي.
④ مهارة الفايرال خطوة بخطوة
هذي أقوى مهارة في الباقة. الفكرة: عدد المشاهدات لحاله ما يعني شي. حساب فيه مليونين متابع وجاب 400 ألف مشاهدة، هذا يومه العادي. بس حساب فيه 4 آلاف متابع وجاب 400 ألف، هذا لقى شي يستاهل تتعلم منه.
عطه 6 إلى 12 حساب: 4 في نفس مجالك، 4 في مجال قريب بنفس جمهورك، و2 إلى 4 حسابات كبيرة للشكل بس. أو خلّه يقترح عليك.
لو عندك إضافة Claude in Chrome وإنت مسجّل دخول في انستقرام، Claude يفتح الحسابات من متصفحك وإنت موجود. لو لا، افتحها بنفسك واكتب له: المتابعين، مشاهدات كل ريل، وأول جملة فيه.
يحسب مضاعف الانتشار لكل ريل، ويطلع لك قالب الهوك اللي استخدمه من 26 قالب، ويحفظها في «ملف الأفكار».
بعدها اطلب /ig-reel ويكتب لك سكربت أصلي بنفس شكل الهوك اللي نجح، بصوتك إنت، مو نسخ لكلام غيرك.
/ig-viral
مجالي: [مثال: مطعم برجر في جدة]
اقترح علي 10 حسابات عربية قريبة من حجم حسابي (عندي [عدد] متابع)، وبعد ما أوافق، رتب أقوى ريلزاتهم حسب مضاعف الانتشار، وقل لي قالب الهوك في كل واحد، وطلع لي 5 أفكار ريلز لمشروعي بنفس الأشكال اللي نجحت.
⑤ روتين أسبوعك في 4 خطوات
⑥ ملاحظات مهمة
- لا تعطي Claude ولا أي أداة باسورد انستقرام. المهارة نفسها ممنوع عليها تطلبه.
- لا تستخدم أدوات سحب بيانات أو نشر تلقائي. تخالف شروط انستقرام وتقدر توقف حسابك. المهارة تقرأ بهدوء مثل أي إنسان.
- أدوات التقييم مبنية على الإنجليزي. تقييم الهوك ومنظف النص يعطون أرقام دقيقة على الإنجليزي. بالعربي اعتمد على تحليل Claude نفسه، واطلب منه يكتب بلهجتك.
- ما يخترع أرقام. لو ما عطيته نتائج حقيقية في ملف صوتك، بيترك مكانها فاضي عشان تعبيه إنت.
المهارة من تطوير Jake Schincariol، مجانية ومفتوحة المصدر برخصة MIT · الصفحة الأصلية على GitHub
تبي تتعلم أكثر؟
مجتمع نادر لأصحاب الأعمال اللي يبون يستخدمون الذكاء الاصطناعي بالكامل في أعمالهم. فيه 5 مسارات نطوّرها باستمرار: